Шведскиот магазин „Експресен“ тврди дека Златан Ибрахимовиќ во 2011 година убил лав во Јужна Африка, за да може да си ја однесе дома кожата, черепот и вилицата како трофеј.
Ибрахимовиќ никогаш не криел дека ловот и риболовот му се страст (дури беше и во Македонија на ваква авантура), така што вадењето на овој „случај“ од пред 10 години е навистина бизарно. „Експресен“ тврди дека Златан прво добил ловечка лиценца, а година подоцна го убил лавот во дивината во Јужна Африка и дека тој е еден од 82 ловци од Шведска кои си понеле дома ваков трофеј. Ибрахимовиќ не ја коментирал објавата.
Ловот на лавови во Јужна Африка е легален доколку ги имате потребните документи. Златан, пак, честопати се споредува со лав, а на грбот има огромна тетоважа на лав.