Шампионот од Премиер лигата, Манчестер сити не планира да го предаде првото место, откако се врати по тесното прво полувреме за 3:1 победа над Бурнемаут, нивна 12 победа во 14 кола од англиската елита.
Бернардо Силва рано ги донесе „граѓаните“ на водство со гол уште во 16. минута, но на полувреме се отиде со израмнет резултат, откако гостите постигнаа гол преку Калам Вилсон во 44. минута. Рахим Стерлинг ги врати Сити на вистински пат со гол во 57. минута, пред Илкај Гундоган да го комплетира триумфот во 80. минута.
Сити имаат 38 поени на врвот на Премиер лигата, пет повеќе од Ливерпул, кои утре играат во Мерсисајд дербито со Евертон.
Добрата серија од три победи во низа на Њукасл пак, заврши со 0:3 пораз дома од Вест хем, благодарение на двата гола на Чичарито, додека Лестер стигна до 2:0 победа на Ватфорд, одбележана со фантастичниот гол на Медисон.
ПРЕМИЕР ЛИГА, 14. КОЛО
Кристал Палас – Барнли 2:0
Хадерсфилд – Брајтон 1:2
Лестер – Ватфорд 2:0
Манчестер сити – Бурнемаут 3:1
Њукасл – Вест хем 0:3
Фото: ЕПА
МАНЧЕСТЕР С – БУРНЕМАУТ
ЊУКАСЛ – ВЕСТ ХЕМ
ЛЕСТЕР – ВАТФОРД
ХАДЕРСФИЛД – БРАЈТОН