Дефанзивецот на Рома, Крис Смолинг, постигна договор со раководството за продолжување на соработката. Англичанецот ќе парафира со „волчицата“ до летото 2025 година.
Актуелниот договор на 33-годишниот фудбалер истекува на крајот од актуелната сезона.
„Блиску сме до нова соработка, наскоро и официјално ќе биде објавен новиот договор“, изјави Смолинг за Скај.
Крис Смолинг е дел од Рома од 2019 година. Одигра една година на позајмица од Манчестер Јунајтед, по што беше откупен од италијанскиот клуб.