Во исчекување на третото коло на Бундеслигата, одбележано со големото дерби помеѓу Борусија Дортмунд и Баерн Минхен, во Германија најдоа и уште еден начин за фудбал во оваа ера на „социјално дистанцирање“.
Во Крајслигата, најниското натпреварувачко ниво на германскиот фудбал (осма лига и подолу), клубовите СЦ Ајнхајт и СВ Кенигштајн одиграа дерби во кое секој фудбалер на теренот беше со количка за шопинг.
Правилата останаа во основа исти (со социјално дистанцирање и со маски на лицето), а мечот заврши 2:2 по 90 минути.
Ако се прашувате како се прави фаул во ваков натпревар, еден тим доби пенал откако противничкиот играч се залета со количката во противникот.