Оле Гунар Солскјер се врати во Манчестер јунајтед првпат откако доби отказ, откако беше меѓу публиката на мечот на У-21 женскиот тим во средата навечер, гледајќи ја неговата ќерка Карна, која е напаѓач на клубот.
Карна Солскјер постигна гол при 5:0 победата над Астон вила У-21 во Алтринчем во средата, и сега има 13 гола во 12 меча за младинскиот тим на Јунајтед оваа сезона. Тој по мечот се фотографираше со напаѓачката на Јунајтед, Марија Едвардс.
48-годишниот Солскјер се обидува да биде надвор од очите на британската јавност откако беше отпуштен во ноември по засрамувачкиот 4:1 пораз од Вотфорд, сепак, не можеше да го пропушти мечот на неговата ќерка, заедно со сопругата Силје. И двата сина на Солскјер се фудбалери – Ноа Солскјер игра во норвешкиот прволигаш Кристијансунд, додека Илајџа Солскјер е дел од академијата на Јунајтед.
