Оле Гунар Солскјер мораше да ја дообјасни својот коментар до Маркус Рашфорд за „фудбалот да му биде приоритет“, седејќи покрај англискиот напаѓач на прес-конференција пред мечот од Лигата на шампионите.
Рашфорд даде гол во својот прв меч оваа сезона, откако влезе 25 минути при 4:2 поразот од Лестер, но во англиските медиуми главна тема беше коментарот на Солскјер дека Рашфорд покрај неговите кампањи за борба против детската сиромаштија, мора да се фокусира на фудбалот.
Сега, тој вели дека медиумите намерно направиле голема работа од еден мал коментар.
„Прво да го тргнеме слонот од собата. Сите сме горди за тоа што го направи Маркус. Вие направивте наслови од еден мал коментар и не сакав фокусот да биде на тоа“, вели Солскјер.
? The boss began Tuesday’s press conference with some words of support for @MarcusRashford ❤️#MUFC | #UCL
— Manchester United (@ManUtd) October 19, 2021