Фудбалерот на Тотенхем, Хеунг-Мин Сон, откако постигна два гола и присуствуваше на еден од најдраматичните мечеви во историјата на ЛШ, вели дека го сменил мислењето за ВАР-системот.
Манчестер сити победи со 4:3, но две ВАР-одлуки – за голот на Љоренте и поништениот гол на Стерлинг во судското продолжение беа во „корист“ на гостите од Лондон.
„Никогаш не сум играл ваков натпревар. Сите сме горди, ова е неверојатна вечер за нас. Понекогаш ВАР не нервира, но денеска беше: ’ти благодарам, добра одлука’. Сега сум толку емоционален што веќе не знам што зборувам“, вели Сон, кој доби жолт картон и нема да биде достапен за првиот меч со Ајакс во полуфиналето.
Кристијан Ериксен пак, можеше да биде трагичар на мечот, откако неговото погрешно додавање во 92. минута дозволи Сити да ја направат акцијата по која Рахим Стерлинг го постигна голот, кој беше поништен поради офсајд (при додавањето од Бернардо Силва).
„Јас сум најсреќниот човек на планетата поради тој поништен гол. Целиот меч беше како да си на ролеркоустер – голови, голови,голови, драма насекаде. Искрено, беше забавно“, вели Данецот.