Сосиедад со победа на дождот во Виго до првото место во Ла лига

Реал Сосиедад стигна до 2:0 победа на гости кај Селта Виго во меч на кој на „Балаидос“ едвај да имаше можност за вистински фудбал поради силниот дожд, за баскискиот тим да стане единствен лидер во шпанската Ла лига по 11 кола.

Шведската ѕвезда, Александер Исак со убав гол во 55. минута ги донесе гостите во водство, пред победата да ја потврди Ариц Елустондо во 80. минута од мечот.

Сосиедад има 24 поени на врвот на табелата пред Реал Мадрид, Севилја и Реал Бетис со 21 поен, иако Мадрид и Севилја имаат и меч помалку. Селта е на 14. место со 10 освоени поени.