Динамо Букурешт ја сопре победничката серија на Веспрем, победувајќи го унгарскиот фаворит со 31:29 во драматична завршница на шестото коло во ЕХФ Лигата на шампиони, додека во групата на Вардар, Мешков Брест го забележа и шестиот пораз во шестиот меч, губејќи со 27:30 дома од Елверум.
Веспрем почнаа подобро на мечот кој се играше пред празни трибини поради пандемијата на КОВИД-19, и имаа водство од два гола, пред Валентин Гионеа и Кристијан Дисингер да го свртат мечот и да направат три гола предност за Динамо, за на полувреме да се отиде со гол предност (14:13). Во второто полувреме, предноста на Динамо стигна до 4 гола, но унгарскиот гигант се врати и во драматична завршница загуби со 31:29. Гионеа заврши со седум гола, Раул Кампос додаде шест за романскиот клуб, а Петар Ненадиќ имаше 9 гола за Веспрем.
ЕХФ ЛИГА НА ШАМПИОНИ, 6.КОЛО
ГРУПА А
Мешков Брест – Елверум 27:30 (11:14)
ГРУПА Б
Динамо Букурешт – Веспрем 31:29 (14:13)
Флензбург – Мотор Запорожје 20.45 ч.
Порто – Барселона 20.45 ч.