Никако да дојде крајот на проблемите со кои се соочува Челси. Британската влада го замрзна имотот на Роман Абрамовиќ, а Премиер лигата го тргна од директорската позиција, клубот започнаа да го напуштаат спонзорите.
Откако клубот го напушти главниот спонзор, телекомуникациската компанија „Три“, истото го направи и „Хјундаи“.
„Откако станавме партнери на клубот, ние сме горди навивачи на нашите фудбалери. Сепак, поради актуелната ситуација решивме на неодредено време да го суспендираме нашето партнерство со Челси“, соопшти компанијата од Јужна Кореја.
Челси од „Хјундаи“ добива 10.000.000 фунти годишно, а од „Три“, дури 40.000.000 фунти.
Барем засега спонзорските договори нема да ги суспендираат „Најки“ и „Триваго“.