Италијанскиот суд му ја потврди затворската казна на поранешниот фудбалер, Фабрицио Миколи. Миколи најдобриот фудбал во кариерата го играше во Палермо (2007-2013), пред и потоа бил играч на Фиорентина, Бенфика, Јувентус.
Миколи, поради рекетирање со насилни методи, доби затворска казна од три години и шест месеци. Судењето за овој случај започна во 2013 година, но по оваа пресуда Миколи повеќе нема право на жалба и ќе мора да оди зад решетки.
Пред десет години, со помош на мафијашкиот бос, Мауро Лаурикела, Миколи со насилни методи и закани се обидел да изнуди 12.000 евра од Андреа Графањини, во тој период сопственик на ноќен клуб.
Лаурикела, еден од главните мафијашки шефови во Палермо е осуден на затворска казна, во време траење од седум години.