Новак Ѓоковиќ 2021 година ќе ја заврши на првото место во две категории. Српскиот тенисер го обезбеди првото место на АТП листа и воедно е тенисерот кој најмногу заработил на турнирите.
АТП објави дека Ѓоковиќ, од турнирите инкасирал 9.100.547 долари. Од оваа сума нешто повеќе од 9.000.000 заработил во сингл, а 31.322 долари во дубл. Далеку зад него се Данил Медведев (7.481.271) и Александар Зверев (6.420.344).
Според податоците на АТП, оваа година границата од 1.000.000 долари ја надминале 37 тенисери.
Од нив само Пјер-Иго Ебер, повеќе пари заработил во дубл (619.550) него во сингл (449.421).
Топ 10:
1. Новак Ѓоковиќ 9.100.547
2. Данил Медведев 7.481.271
3. Александар Зверев 6.420.344
4. Стефанос Циципас 3.579.155
5. Андреј Рубљов 3.331.378
6. Матео Беретини 3.231.908
7. Камерон Нори 2.623.881
8. Каспер Руд 2.314.629
9. Хуберт Хуркач 2.313.289
10. Јаник Синер 2.233.199