Ѕвездата на Барселона и Аргентинската репрезентација, Лионел Меси, доби суспензија и парична казна поради црвениот картон и коментарите што ги упати на адреса на судијата Марио Дијаз кој го исклучи на мечот против Чиле, одигран на Копа Америка.
Аргентинецот влезе во вербален дуел, кој можеше да се претвори и во физичка пресметка со Фери Медел на натпреварот за третото место на Копа Америка. За да ја смири ситуацијата судијата Дијаз на двајцата им покажа црвени картони.
По мечот, Меси ‘удри’ по судијата и по организаторите на Копа Америка. Порача дека првенството е наместено за Бразилците да триумфираат. Аргентина на Копа Америка во полу-финалето загуби од Бразил 0-2, а на тој меч не беше суден барем еден пенал за нив.
„Не треба да биде дел од оваа корупција, покажаа непочитување кон нас. Не ни дозволија да играме во финалето. Корупција, судиите не им дозволија на луѓето да уживаат во фудбалот“, рекол Меси.
За можните санкции против него, Меси тогаш изјавил.
„Нека прават што сакаат, вистината мора да биде кажана“.
Казната за ваквите изјави или за според него кажувањето на вистината го стигна 20 дена подоцна. КОНМЕБОЛ соопштија дека тој ги прекршил правилата на однесување. Супендиран е на еден натпревар и парично е казнет со 1.500 долари.