Легендарниот аргентински напаѓач Карлос Тевез уште еднаш покажа дека е „сила“ не само на фудбалскиот терен, откако потврди дека ќе остане во Бока јуниорс барем до декември и дека ќе ја донира својата плата во борба против корона вирусот.
„Секако, ќе останам во Бока. Сакам уште една шанса да играм на Либертадорес, иако со пандемијата не е јасно што ќе се случи со купот. Го прифатив предлогот на клубот без големи забелешки, кои мојот агент Адријан Руоко ги издејствува – платата нема да оди кај мене, туку директно во добротворните организации“, вели Тевез.
Тој признава дека уште не донел одлука дали ќе продолжи со настапите по 2021 година, но потврди дека водоговор со неговата сопруга Ванеса решил да ги донира парите.
„Ние живееме со луѓето од моето село и гледаме поинаква реалност. Заедно со навивачите на Бока ќе направиме нешто добро за борбата во пандемијата. Помалку е навредливо да се зборува за парите, бидејќи во Аргентина има сиромаштија. Треба да се погледне реалноста“, вели Тевез.