Тиквеш е победник на традиционалниот турнир „Вуко Каров“ кој секоја година се одржува во Кавадарци.
На турнирот покрај домаќинот учествуваа уште и екипите на Кожуф и Гостивар.
Тиквеш славеше со 2:1 против Гостивар, а ремизираше без голови со Кожуф. Во третиот меч, Гостивар го победи Кожуф со 2:1. Сите натпревари се играа по „италијански систем“, по 45 минути.
За најдобар играч на турнирот е избран крилниот напаѓач на Тиквеш Иван Ивановски, додека за најдобар голман, чуварот на мрежата на Гостивар, Амир Јашар.