Тинејџерот Пино со четири гола за 53 минути, Вилјареал го „прегази“ Еспањол

19-годишниот Јереми Пино постигна четири гола, вклучувајќи хет-трик во првото полувреме, за Вилјареал да стигне до импресивна 5:1 победа над Еспањол.

Пино стрелаше во 14., 20. и 45. минута за неверојатен хет-трик во првото полувреме, како најмлад фудбалер кому му успеало ова во историјата на шпанската Ла лига, пред во 53. минута да го постигне и својот четврти гол во неверојатен меч. Кеиди Баре во 65. минута од мечот намали на 4:1, пред Булаје Диа во 86. минута да ги постави конечните 5:1.

Вилјареал се на петтото место во Ла лига со 42 поени, три зад Атлетико Мадрид, додека Еспањол се на 13. место со 29 поени.