Фудбалската федерација на Македонија (ФФМ) ќе им исплати фантастични 4.5 милиони евра на македонските фудбалери доколку вечерва направат уште еден голем подвиг, ја совладаат Португалија и по првпат во историјата се пласираат на едно Светско првенство.
Македонија вечерва во Порто го игра „натпреварот за живот и смрт“, како што го опиша првата ѕвезда на португалската репрезентација, Кристијано Роналдо, во финалето на баражот за Мундијалот во Катар, историска можност која дојде по фантастичната и драматична 0:1 победа над Италија во Палермо.
Момците на селекторот Благоја Милевски имаат доволно мотивација, како и секогаш, да го дадат максимумот за националниот дрес на теренот, но тука доаѓа и веста од федерацијата, која потврдува дека ќе има и богата финансиска награда обезбедена од буџетот на федерацијата.
Покрај ова, вчера, премиерот Димитар Ковачевски вети 500.000 евра од владата за остварувањето на успехот.
Фото: ФФМ