Тотенхем потврдија дека платиле 60 милиони евра да го купат играчот од средниот ред на Лион, Тангуј Ндомбеле, што претставува рекордна сума за финалистот од Лигата на шампионите.
22-годишниот Французин потпишува шестгодишен договор со Тотенхем и доаѓа откако Џек Кларк дојде од Лидс за освежување на Спарси, откако претходно 18 месеци немаа направено трансфер. Сумата може да достигне и до 70 милиони евра со бонуси и е целосна спротивност од минатото лето, кога тимот не купи ниту еден фудбалер.
Ндомбеле стана еден од најпосакуваните фудбалери од средниот ред по две одлични сезони со Лион и тој беше поврзуван со тимот на Манчестер сити, така што е вистински успех на тимот на Маурисио Почетино.
✍️ #WelcomeTanguy #COYS ⚪️ #THFC pic.twitter.com/P0S9JJyfsV
— Tottenham Hotspur (@SpursOfficial) July 2, 2019
Ндомбеле стигна во Лион за само 8 милиони евра пред две сезони од Амиен, и имаше речиси 100 настапи за францускиот клуб во двете сезони, завршувајќи ја минатата сезона со 3 гола и 8 асистенции, а посебно импресионираше против Манчестер сити во Лигата на шампионите (Лион ги доби Сити со 2:1 и одигра 2:2).
Претходниот рекорд на Тотенхем, беа 36-те милиони фунти кои ги платија на Ајакс за колумбискиот дефанзивец Давинсон Санчез пред две години.