Напаѓачот на Брентфорд, Ајван Тоуни доби осуммесечна суспензија од фудбалот и казна од 50.000 фунти по истрагата за неговите 232 прекршоци со обложување во фудбалот.
„Ајван Тоуни е суспендиран од сите фудбалски активности во следните осум месеци до 16 јануар 2024, казнет со 50.000 фунти и предупреден за своето однесување во иднината околу правилата на ФА за обложување. Тој беше обвинет за 262 прекршувања на правилата на ФА од 25 февруари 2017 до 23 јануари 2021. ФА повлече 30 обвиненија, по што тој ги призна преостанатите 232. Тој смее да се врати на тренинзи со клубот во последните четири месеци од суспензијата, почнувајќи од 17 септември 2023“, се вели во објавата на ФА.
Тоуни беше еден од најдобрите стрелци во Премиерлигата оваа сезона со 20 гола за Брентфорд.