Менаџерот на Челси, Томас Тухел отворено проговори за повлекувањето на Андреас Кристенсен од финалето на ФА купот против Ливерпул, кога Данецот утрото му соопштил на менаџерот дека нема да игра, објаснувајќи дека не е првпат да се случи такво нешто.
26-годишниот Кристенсен, кој најверојатно ќе заврши во Барселона ова лето, го приморал Тухел да ја смени тактиката за поразот на пенали од Ливерпул, откако се пожалил на стомачни болки и најверојатно нема да игра на последните два меча на „сините“ против Лестер и Вотфорд.
„Андреас дојде утрото пред мечот да ме информира дека не е поготвен да го игра мечот и посака да биде на клупата. Тој имаше свои причини. Остануваат приватни и доверливи. Ова не е првпат бидејќи последните неколку недели имавме слични ситуации. Затоа не играше редовно. Мислевме дека имаме добар развој, бидејќи имаше силен меч против Лидс. Мораме да го почитуваме тоа. Пред финалето беше многу итна ситуација“, признава Тухел.