Лидерот во македонската лига, Вардар со пораз ги стартуваше подготовките за пролетната полусезона, откако во турскиот Белек загуби со 3:1 од хрватскиот клуб Хајдук, иако до 73-тата минута имаше предност од 1:0.
Дарко Мицевски ги донесе „црвено-црните“ во водство уште во 12. минута од мечот, резултат кој беше актуелен до 73-тата минута, кога клубот од Сплит почна со пресвртот и за 13 минути постигна три гола. Леон Крековиќ израмни на 1:1, Тони Теклиќ десет минути подоцна постигна гол за водство, а Крековиќ во 85. минута ги постави конечните 3:1.