Фудбалерите на Милан го совладаа Лацио во Рим со 1:0 во 27. коло од италијанската Серија А.
„Росонерите“, во нервозен натпревар, тешко стигнаа до триумфот во главниот град на Италија. Тоа го направија дури откако Лацио остана со играч помалку во 57.минута, кога Лука Пелегрини го доби вториот жолт картон.
И со играч помалку „бјанкочелестите“ успешно се бране половина час, кога Ноа Окафор најдобро се снајде пред голот на Лацио во 88. минута ја затресе мрежата на Проведел.
Нервозата потоа достигна точка на вриење, па Лацио до крајот на мечот остана без Марушиќ и Гендузи, кои беа исклучени во 95. и 97.минута.
Милан го освои 56. бод и се наоѓа на третата позиција во Серија А, додека Лацио е осми со 40.