Македонскиот прволигаш Шкендија се засили со Ардиан Лимани, дефанзивец кој доаѓа од косовскиот тим Дрита Гњилане. Лимани потпиша двегодишен договор со тетовскиот клуб.
„Навистина е убаво чувството да се облече дресот на Шкендија, знам дека овој клуб има успешна историја. Се работи за квалитетен тим кој е на високо ниво низ годините. Знам дека Шкендија има верни навивачи, „Балистите“ кои го сакаат клубот и сакаат трофеи. Ова ме натера да прејдам во редовите на клубот и се надевам дека заедно ќе освоиме многу трофеи“, изјави Лимани за сајтот на Шкендија.