Фудбалерите на Спарта Прага, Олимпик Марсеј и Спортинг Лисабон се пласираа во осминафиналето од Лига Европа.
Во престолнината на чешка, Спарта го декласира Галатасарај со 4:1 и со вкупни 6:4 избори место во осминафиналето.
Чешката екипа веќе во осмата минута го доведе Пресијадо во водство, а во двомечот донесе израмнување.
Но, во 16. минута Бардакчи израмни за Галатасарај и тоа беше се што фудбалерите на турскиот великан направија на овој натпревар.
Клучниот момент на натпреварот се случи во 70.минута кога Кан Ајхан доби директен црвен картон.
По четири минути домашните ја искористија бројната предност и преку Тучи стигнаа до 2:1. Во 80. минута Хараслин ефектно го матирашечекираше Муслера за 3:1, а точка на натпреварот стави Куча во 97.минута.
Олимпик Марсеј, со пресврт славеше над Шахтјор со 3:1. Во првиот натпревар беше 2:2.
Тимот од Украина поведе во 12. минута со голот на Судаков од пенал, изедначи Пјер-Емерик Обамејанг 11 минути подоцна. Габонецот со овј гол влезе во историјата на Лига Европа, стана најдобар стрелец во ова натпреварување. Во кариерата има постигнато 31 гол во Лига Европа.
Марсеј до триумфот дојде во последните 15 минути. Се играше 74. минута кога Обамејанг му асистираше на Исмаила Сара, која ја заби во мрежата за 2:1, а седум минути подоцна поранешниот играч на Монако, Интер, Валенсија и Атлетико Мадрид, Жофри Кондогбија го посави конечниот резултат.