Фудбалерот на Реал Мадрид, Винисиус Жниор ја одби понудата на клубот следната сезона да го носи дресот со број седум, кој во минатото го носеа легендите на клубот.
Винисиус сака да продолжи да го носи дресот со број 20, кој веќе го носеше во Фламенго и бројот кој го носи од почетокот на кариерата.
Клубот официјално му предложил на бразилскиот фудбалер да го носи легендарниот број на грбот, кој досега го носеле играчи како Емилио Бутрагењо, Раул Гонзалес и Кристијано Роналдо.
Vinícius Júnior a refusé l'offre du Real Madrid de porter le numéro 7 l'année prochaine ❌
Le Brésilien respecte les légendes du Real Madrid 🙏 pic.twitter.com/bFWPgGsMmz
— 𝐂𝐇𝐀𝐃𝐈𝐀𝐍 𝐊𝐈𝐍𝐆 (@Princeiroby1) March 29, 2023
Со понудата на Винисиус, Реал сакаше да го оживее угледот на славната седумка. По заминувањето на Роналдо, бројот седум го носеа Маријано Диас и Еден Азар, но не ги оправдаа очекувањата.
Азар не е во плановите на тренерот Карло Анчелоти, оваа сезона одигра седум натпревари и постигна гол против Селтик во Лигата на шампионите.