Напаѓачот на Фиорентина, српскиот фудбалер Душан Влаховиќ ќе потпише нов тригодишен договор со „виолетовите“ со кој ќе заработува по 6 милиони евра по сезона, пишува „Кориере дело Спорт“.
Информациите се дека неговиот договор со клубот од Фиренца истекува во 2023 година, а клубот му понудил соработка до 2025 година, а притоа е „врзан“ со откупна клаузула од 80 милиони евра.
Corriere dello Sport: "Fiorentina, rinnovo da 18 milioni a Vlahovic. Con clausola" https://t.co/StRa8f4scM
— informazione sport (@infoitsport) September 28, 2021
Последниот негов погодок во виолетовиот дрес беше изминатиот викенд (31-ви за Фиорентина), вкупно шести сезонава, 4 во Серија А и два гола во Купот на Италија.
Минатата сезона Влаховиќ беше стрелец на 21 гол во Серија А.