Мауро Икарди е меѓу првиот проширен список на фудбалери на кој смета аргентинскиот селектор Хорхе Сампаоли, но тоа не значи дека ќе биде меѓу 23-цата кои ќе патуваат на Мундијалот во Русија.
Ѕвездата на Интер е во одлична форма во Серија А, но нема слични настапи и за Аргентина, откако беше повикан само четири пати од дебито во 2013 година. Сампаоли не ја игнорираше формата на 25-годишниот капитен на Интер и го постави во тимот од 35 фудбалери на кои планира.
Икарди во тимот е заедно со Пауло Дибала (Јувентус), капитенот Лионел Меси (Барселона) и повредениот Серхио Агуеро (Манчестер сити). Икарди имаше 23 гола за Интер оваа сезона. Конечниот тим Сампаоли треба да го соопшти на 13 мај по тренинзите во Езеиза.
Икарди и Дибала остануваат најнеизвесни имиња на овој состав, откако Сампаоли не ги повика за пријателските мечеви во март. Во тимот има уште неколку отсуства – играчот од средниот ред на Зенит, Матијас Краневитер, напаѓачот на Атлетико Мадрид, Анхел Кореа, како и ветеранот Карлос Тевез.
Фото: ЕПА
[SELECCIÓN MAYOR] Jorge Sampaoli dio a conocer la nómina de 35 jugadores preseleccionados para el Mundial de #Rusia2018. pic.twitter.com/skT2VIZ6Wh
— Selección Argentina (@Argentina) May 14, 2018