Во првиот неделен меч од Бундеслигата, Волфсбург со гол во финишот на натпреварот успеа да стигне до гостинска 1:0 победа над Вердер, резултат кој ги носи поблиску до пласман во Европа, и во исто време ги става Вердер во незавидна ситуација да се многу блиску од испаѓање од елитата.
Ремито без голови беше поништено во 82. минута, кога по еден контранапад на гостите, Холанѓанецот Вут Вегхорст со глава лесно го совлада Јиржи Павленка.
Четирикратниот германски шампион Вердер на само осум кола пред крајот на Бундеслигата се наоѓа на претпоследното место на табелата со 25 поени, односно се шест поени од 15-пласираниот Мајнц, пред гостувањето во следното коло против фенерџијата Падерборн. Волфсбург пак, се врати на шестото место на табелата со 45 поени, девет зад Борусија Менхенгладбах и Баер Леверкузен.