Волфсбург стигна до убедлива 5:0 победа над Мајнц за стави точка на црната серија во која имаа пет порази во последните шест мечеви. Мечот на „Фолскваген арената“ беше решен со раниот црвен картон за Никлас Тауер, по што домаќините беа безмилосни во првите 45 минути.
Данецот Јонас Винд ги донесе Волфсбург во водство по само осум минути, пред Тауер да направи фаул за кој доби црвен картон, а Макс Крузе го реализираше пеналот во 23. минута за 2:0. Крузе во 35. минута зголеми на 3:0, Винд во 42. минута додаде уште еден гол, за во продолжението од полувремето, Крузе да го комплетира хет-трикот.
И покрај поразот, Мајнц останува пред Волфсбург на табелата – тие се 9. со 39 поени, а Волфсбург се на 11. место со 37 поени.
Standings provided by SofaScore LiveScore