Клуб Бриж му врачија отказ на англискиот тренер Скот Паркер по само 12 меча и 67 дена на клупата на белгискиот клуб. Поранешниот прв човек на Фулам и Борнмут доби отказ откако вчера Бриж беа декласирани со 5:1 од Бенфика во вториот меч од осминафиналето на Лигата на шампионите.
„Скот Паркер веќе не е тренер на Клуб Бриж. Тој беше именуван на чело на тимот на 31 декември како замена за Карл Хофкенс. Во 12 меча, Британецот стигна само до две победи“, се вели во кратката објава на Бриж.
Бриж во моментов се само четврти во Јупилер лигата на Белгија (иста позиција како кога Паркер стана тренер), но со 11 поени зад третопласираниот Антверпен.
Паркер претходно доби отказ од Борнмут на стартот на премиерлигашката сезона по катастрофалниот 9:0 пораз од Ливерпул.
ℹ️ Scott Parker is niet langer hoofdcoach van Club Brugge.
— Club Brugge KV (@ClubBrugge) March 8, 2023