Селекторот на фудбалската репрезентација на Германија Јоаким Лев има свое мислење зошто на светот му се случил коронавирусот.
Според освојувачот на светската титула со Германија во 2014 година пандемијата со вирусот КОВИД-19 е знак дека планетата Земја се брани од модерното општество. Истакнал дека ова треба да биде повик за будење на луѓето кои ги интересираат само моќта и профитот.
„Светот доживеа колективно согорување. Чувствувам дека Земјата се брани од луѓето што мислат дека сѐ можат и сѐ знаат“, рекол Лев.
Тој ја поздравил одлуката за одложување на Европското првенство и пријателските натпревари истакнувајќи дека „приоритет се здравјето и безбедноста на луѓето“.
Лев ги осудил и политичарите поради нивните популистички изјави.