Top Sport

Журадо се збогуваше со Барса, следува трансфер во Јунајтед?

Талентираниот дефанзивец на Барселона, Марк Журадо преку социјалните мрежи се збогуваше со фановите на каталонскиот гигант пред најавениот трансфер во Манчестер јунајтед.

16-годишниот дефанзивец последните девет години е дел од сите младински тимови на Барса преку славната „Ла масија“, но одби да го продолжи договорот ова лето и се верува дека ќе заврши на „Олд Трафорд“ а минимални 1.5 милиони евра.

„Никогаш не е лесно да си заминеш од тим кој ти дал сè. Барселона е мојот втор дом, моето второ семејство, место каде што се развивав како фудбалер и личност. Денеска е време за збогување, но прво треба да се заблагодарам на сите кои ми помогнаа од времето кога почнав во 2011 година. Започнав како дете кое сака да трча по топка, а девет години подоцна си заминувам од моите пријатели“, вели Журадо.

Тој беше постојан во Кадет А тимот на Барселона оваа сезона и се очекуваше следната година да биде во Јувенил Б тимот. Тој е еден од низата членови на „Ла масија“ кои заминаа во последните години и засега само Ансу Фати и Рики Пуиг добија шанса да влезат во првиот тим на „Ноу Камп“.

 

View this post on Instagram

 

Gracias/Gràcies @fcbarcelona 🔵🔴

A post shared by MJ2🦍 (@marcjurado04) on

Талентот Журадо одби договор со Барса, заминува на „Олд Трафорд“

Scroll to Top