Некогашниот фудбалски магионичар, актуелен тренер на Реал Мадрид, Зинедин Зидан изјави дека со тренерскиот „занает“ започнал со цел еден ден да биде селектор на Франција.
Зидан е еден од кандидатите за наследник на Дидие Дешам, тоа го потврди и првиот човек на Францускиот фудбалски сојуз, Ноел ле Грат.
Стигна одговорот од Мадрид:
„Ќе видиме, моментно размислувам само за Реал. Во Мадрид сум и уживам во секој ден. Имам голема страст кон фудбалот. Никогаш не можете да знаете што носи иднината. Мојот однос со господин ЛеГрот датира уште од 1998. Кога пред 10 години почнав со тренерската работа како цел си ја поставив селекторската функција во Франција, но сега сум овде“ вели Зидан.
Од реченото станува јасно дека Зидан не ја отфрла можноста да седне на клупата на „галските петли“ уште повеќе што актуелниот кормилар на селекцијата најави повлекување по Мундијалот во Катар.