Фудбалскиот клуб Црвена звезда успеа да стигне до четврта титула во низа од Српската суперлига, откако на „Рајко Митиќ“ со 1:0 ја совлада Војводина и направи недостижна предност од 12 поени пред Партизан.
Ова е првпат „црвено-белите“ да освојат четири титули едноподруго, а во Србија рекордер останува Партизан со шест титули во низа од 2008 до 2013 година. Звезда може да стигне и до двоен трофеј, бидејќи во финалето на Купот на Србија на 25 мај игра со Партизан. Звезда нема освоено двојна титула дури 14 години.
Тимот на Дејан Станковиќ исто така имаше и одлична европска сезона, поминувајќи ја групната фаза на Лигата на шампиони, пред во шестнаесетфиналето да загубат од Милан (2:2, 1:1).