АБА лигата ја казни Црвена звезда и кошаркарите на Партизан, Џејмс Нанели и Јам Мадар.
Кошаркарскиот клуб Црвена звезда е казнет поради дивеењето на навивачите, во моментот кога играчите на Партизан излегоа на загревање. Поради хаосот што го предизвикаа навивачите, почетокот на натпреварот доцнеше 25 минути.
Црвена звезда ќе мора да затвори еден дел од трибините за четвртиот натпревар. Столчињата крај теренот ќе бидат отсранети, а нема да има навивачи ниту во првите редови на трибината која се наоѓа зад гостинската клупа. Црвено-белите се казнети и парично со 25.000 евра.
Кошаркарите на Партизан Нанели и Мадар се казнети со по 2.000 евра. Нанели тргна да се пресмета со еден навивач, додека Мадар им го покажа средниот пртст на фановите на Црвена звезда.
Четвртиот натпревар од финалната серија се игра вечерва од 19 часот. Домаќин повторно е Црвена звезда. Партизан во серијата има водство 2:1.