Предводени од првата ѕвезда, Јанис Адетокумбо, Милвоки бакс стигнаа до 117:108 победа над Орландо меџик, конечно, покажувајќи дел од играта која ги направи актуелни шампиои во НБА лигата.
Адетокумбо имаше фантастични 32 поени и 20 скока, а заврши и со 5 асистенции и 2 украдени топки, а Орландо немаа одговор за неговата игра. Боби Портис со 24 поени и 15 скока му помогна за победа, додека кај поразените, Ер-Џеј Хемптон имаше 19 поени.
Милвоки се само 10. во Источната конференција со 9-8 скор, додека Орландо се последни со 4-13.
НБА РЕЗУЛТАТИ
Индијана – Њу Орлеанс 111:94
Вашингтон – Мајами 103:100
Аталанта – Шарлот 115:105
Бостон – Оклахома Сити 111:105
Милвоки – Орландо 117:108
Минесота – Мемфис 138:95
Портланд – Филаделфија 118:111
Сакраменто – Јута 105:123