Милвоки бакс со 118:111 го победи Далас маверикс во меч од пред-сезоната во НБА лигата, во кој главно шоу направија кошаркарите од балканските простори.

Минатогодишниот МВП, Гркот Јанис Адетокумбо доминираше и за 23 минути на теренот постигна 34 коша и имаше 11 скока, додека Хрватот Драган Бендер беше втор најдобар играч на Милвоки со 17 поени (5 тројки, 6 скока, 3 асистенции и 2 блокади).

Од другата страна, повторно Балканците имаа свој ден – Словенецот Лука Дончиќ, минатосезонскиот најдобар дебитант имаше 27 поени и 7 скока, додека втор најдобар играч беше Србинот Бобан Марјановиќ со 16 поени и 8 скока.