Управниот одбор на Кошаркарскиот сојуз на Црна Гора одлучи да ја прекине сезоната 2019/2020. Одлуката се однесува на сите возрасни категории што значи дека во ниту една од нив нема да биде прогласен шампион.
За пласман во европските купови ќе се гледа пласманот од минатата сезона, 208/2019. Сите остварени резултати се бришат наведоа од Сојузот во своето соопштение, а оставена е можноста лигата да биде проширена.
Конечната табела од оваа сезона единствено ќе има влијание за Сутјеска и Ловќен . Овие два клуба се наоѓаат на првите две места што значи дека повторно ќе играат во АБА 2-лигата.