Рускиот кошаркарски клуб ЦСКА Москва е сериозно заинтересиран за учество во Евролигата и следната сезона. Иако руските клубови официјално се суспендирани, московјаните испратиле писмо до сите акционери на елитното европско кошаркарско натпреварување а во кое ги информирале за нивната намера.
Факт е дека тие се делумни сопственици на ова натпреварување, поради што и бараат ваков исход.
Од друга страна, челниците на Евролигата се обидуваат да најдат начин како да и ја одземат долгогодишната лиценца на ЦСКА Москва, а поради санкциите кон руските клубови.
Се очекува клучен состанок за ова прашање да се одржи за време на претстојниот фајнал-фор во Белград.