Кошаркарите на претрпеа вистинска катастрова во својата сала „Билјанини извори“ во рамките на третото коло во Втората АБА лига. Охридските кошаркари вечерва беа прегазени од Вршац 61:111 (18:28, 14:25, 18:23, 11:35).
Охридските кошаркари во ниту еден момент не можеа да им парираат на гостите од Вршац, кои натпреварот го отворија со 0:7, а во продолжение на средбата предноста на гостите рапидно се зголемуваше до максималните 50 поени.
Охрид, кој е единствениот македонски преставник во втората АБА дивизија, според квалитетот е далеку од опонентите во ова друштво. Охриѓани во првите три кола запишаа исто толку порази со негативна коша разлика 92.
„Се остварија нашите очекувања дека Вршац е еден од главните фавортити во Втората АБА лига. Би сакал да и се извинам на охридската публика што присуствуваше на вака лош натпревар од наша страна, Кои се причините, објективни или не ќе анализираме со цел да ги пронајдеме грешките. Екипата на Вршац е поквалитетна, тоа стои, како и тоа дека ние имавме исклучително тежок натпревар во домашното првенство во Кавадарци каде што освен на спортски терен имавме проблем и надвор од него, но освен на почетокот на натпреварот во првите три четири минути, само во една четвртина покажавме заби. Но кошарката се игра четири четвртини и тешко дека со една четвртина може да се добие и далеку послаб противник, а камоли ваков тим како Врчац. Ни останува да работиме напорно, дотолку повеќе што ние ја запознаваме АБА лигата, а имаме и тежок распоред, такашто се надевам што побрзо ќе се навикнеме на овој ритам сабота – среда и ќе ги оправдаме вложувањата на претседателот на клубот“, изјавил по натпреварот Владимир Ѓоровиќ помошник тренер на КК АВ Охрид.
Како и на претходните мечеви во охридскиот тим се издвоија Бери со 23 и Цонков со 17 поени.
Охрид во наредното коло ќе гостува во Мостар кај Зрињски.
фото/ohridnews.com