Македонската кошаркарска репрезентација доживеа вистинска катастрофа на гостувањето кај Италија, откако кошаркарската репрезентација загуби со 93:33, рекордни 60 коша разлика во меч од квалификациите за ЕП во 2019 година.
Почетокот на Италијанките беше фуриозен, и тие направија неверојатна низа од 21:0, пред Македонија по осум минути игра да ги постигне првите поени. Митрашиновиќ имаше 9 поени, а по четири уфрлија Лазареска, Тантуровска и Кметовска, за четврти пораз во четири меча во квалификациите – двапати против Италија, против Шведска на гости и против Хрватска во Скопје (47:108).