Лука Дончиќ не престанува со своите фантастични партии во НБА лигата, откако со своите Далас маверикс ја прекина низата од пет победи на Голден Стејт вориорс со импресивна 141:121 победа, во која Словенецот стигна до трипл-дабл со 31 поен, 15 асистенции и 12 скокови и тоа со просечна прецизност од само 50 отсто.
Тим Хардавеј имаше 25 поени, Порзингинс додаде 18, додека за Вориорс Деанџело Расел имаше 35 поени, кои на крајот не беа доволни за нова победа.
Можеби најдобра партија оваа сезона имаше и Србинот Никола Јокиќ, предводејќи ги Денвер нагетс до тешка 119:110 победа над Мемфис гризлис, откако за 33 минути и тој имаше трипл-дабл – 31 поен, 10 скока и 10 асистенции.
Јокиќ во првите осум минути од мечот имаше 14 поени (од вкупно 20 за Денвер) за да се направи предност која Нагетси не ја пропуштија до крајот.
НБА РЕЗУЛТАТИ
Денвер – Мемфис 119:110
Бостон – Торонто 97:113
Њу Орлеанс – Индијана 120:98
Чикаго – Атланта 116:81
Хјустон – Бруклин 108:98
Мајами – Филаделфија 117:116
Минесота – Кливленд 88:94
Вашингтон -Њујорк 100:107
Голден Стејт – Далас 121:141
Милвоки – Орландо 111:100
Сан Антонио – Детроит 136:109
Сакраменто – Феникс 110:112
Портланд – Л.А. Лејкерс 120:128
Л.А.Клиперс – Јута 107:120