Кошаркарите на Кливленд Кавалирс во феноменален натпревар по продолжение го совладаа Чикаго Булс со 145:134, а незаборавна партија одигра домашниот играч Донован Мичел.
Одличниот бек на Кавалирс постигна неверојатни 71 поен, го одведе натпреварот во продолжение и стана првиот играч по легендарниот Коби Брајант кој постигнал над 70 поени на натпревар во НБА. Интересно, тој ги носи патиките на Коби Брајант.
Ваков натпревар во најсилната лига на светот чекаме 17 години, поточно од 22 јануари 2006 година кога Коби го „затрпа“ кошот на Торонто.
Пред Мичел, само уште шестмина направиле ваков подвиг, Вилт Чембрлен, Коби Брајант, Дејвид Томпсон, Елџин Бејлор, Дејвид Робинсон и Девин Букер.
Покрај 71 поен, Мичел имаше 11 асистенции и осум скока. Погоди 22/34 од поле, 7/15 за три поени, додека од линијата за слободни фрлања постигна 20 поени од 25 обиди.
Donovan Mitchell 7️⃣1️⃣🔥 https://t.co/mBsu8RVtL1
— Olimpo Apuestas (@OlimpoApuestas) January 3, 2023