Top Sport

Драма во Бостон, Вашингтон победи по две продолженија (Видео)

Кошаркарите на Вашингтон Визардс го добија дербито во Источната конференција против Бостон Селтикс. Визардс победија во Масачусетс по две продолженија 125:124.

Визардс со тројката од корнер на Џоди Микс, на 2,6 секунди до крајот на мечот, обезбедија дополнителни пет минути игра (106:106). Во продолжението тимот од престолнината на САД беше блиску до победа, меѓутоа Џејсон Тејтум на 3,1 секунда израмни на 115:115, а потоа не го реалзира слободното фрлање за победа.

Мечот го реши Бредли Бил кој погоди, а потоа го реализира и дополнителното слободно фрлање за 125:119, на 85 секунди до крајот на второто продолжение.

Инаку, кошаркарите на Бостон Слтикс во втората четвртина имаа предност од 20 поени (51.31), но Визардс се вратија во мечот и на крајот обезбедија важна победа во борбата за петтата позиција на Истокот.

Бил го предводеше Вашингтон со 34 поени, 7 скока и 9 асистенции, Маркиф Морис постигна 20 поени, а Ото Портер забележа 18 поени и 11 скока.

Бостон на овој натпревар играше без Кајри Ирвинг и Ал Хорфорд. Селтикс и предводеше братот на Маркиф Морис од Вашингтон, Маркус со 31 поен, Тери Розијер забележа 21 поен и 9 асистенции.

Бостон е втора екипа на Истокот со 46 победи и 22 порази, а Вашингтон во моментов е на петтото место со 39 победи и 30 порази.

Scroll to Top