Македонскиот репрезентативец Ненад Димитријевиќ (22) кариерата ќе ја продолжи во Валенсија тврди специјализираниот кошаркарски портал „Еуробаскет“. Според овој извор кошаркарот на Хувентус постигнал договор со еден од шпанските претставници во Еврлолигата.
Валенсија и Басконија изминатите неколку недели покажале интерес за плејмејкерот кој кариерата ја започна во Хувентуд во 2016 година и кој со екипата од Бадалона има договор и за наредната сезона.
За да го реализира трансферот Валенсија ќе треба да Хувентуд да му плати обесштетување за репрезентативецот на Македонија.
Димитријевиќ сезонава во шпанското првенство има просек од 8 поени и 3,3 асистенции, а во Европкупот имал просек од 11,9 поени и 3,9 асистенции по натпревар.
„Еуробаскет“ наведува дека Димитирјевиќ е второто засилување за Валенсија за наредната сезона, откако претходно долгогодишниот центар Бојан Дубљевиќ го продолжи договорот.