Малколм Дилејни ги постигна сите свои 17 поени во последните 13 минути од мечот, за да ги предводи Барселона до 98:86 победа над Панатинаикос со која се израмнија со Реал Мадрид со 10-3 скор и се само зад Ефес на евролигашката табела (11-2)
Дилејни имаше клучни поени за каталонскиот клуб, прво погодувајќи тројка за 84:77, а потоа и едно положување за 91:81, пред на 2:20 да зголеми на 94:81, разлика од која грчкиот клуб не успеа да се врати.
Францускиот Асвел пак, уште еднаш стигна до голема домашна победа, овојпат против Армани Милано со 89:82. Дејвид Лајти постигна 19 поени, Џордан Тејлор доаде 18 за Асвел, додека Родригез за италијанскиот тим имаше 13 поени и 10 асистенции. Асвел сега има 6-7 скор, додека Милано е на 7-6.
ЕВРОЛИГА, 13. КОЛО
Жалгирис Каунас – Валенсија 82:86 (21:19, 27:28, 9:17, 25:22)
Баерн Минхен – Зенит Петербург 77:69 (14:15, 23:20, 24:15, 16:19)
Асвел Лион – Олимпија Милано 89:82 (20:24, 18:21, 32:16, 19:21)
Барселона – Панатинаикос 98:86 (28:23, 27:24, 16:18, 27:21)