ФИБА, во петокот, ги објави имињата на државите кои ќе бидат домаќини на квалификациските турнири за пласман на Олимписките игри во Токио, во машка и во женска конкуренција.
Единствена држава која ја доби довербата да организира турнири и во машка и во женска конкуренција е Србија. Србите за организацијата понудиле 3,5 милиони евра.
Во машка конкуренција покрај Србија (белград) домаќини на турнирите ќе бидат Хрватска (Сплит), Канада (Викторија) и Литванија (Каунас).
Домаќини на квалификациските турнири за дамите ќе бидат уште Белгија (Остенде), Франција (Бурж) и Кина (Фошан).
Квалификациите за Олимписките игри во Токио ќе се одржат во периодот од 23 до 28 јуни во машка, односно од 6 до 9 февруари во женска конкуренција.
Пласман на Игрите ќе обезбедат само победниците на групите.
Групите ќе бидат извлечени на 27 ноември.
The 8 men’s and women’s #FIBAOQT hosts have been revealed for 2020 ? https://t.co/NnzJClBWUG
— FIBA (@FIBA) November 15, 2019