Клеј Томпсон својот меч со 31 поен го круниса со поени на 5.8 секунди пред крајот за на НБА шампионот Голден Стејт вориорс да им донесе 117:116 победа над калифорниските ривали Сакраменто кингс.
Кевин Дурент имаше 44 поени, од кои 17 во последната четвртина за да помогне Вориорс да ги совладаат Кингс и да стигнат до втората домашна победа во две вечери, откако претходно имаа четири порази во низа.
Кингс водеа со 116:115, кога Дурент утна еден обид на 20 секунди, но Андре Игудала доби офанзивен скок, пред Томпсон да се обиде и да биде изблокиран пред во вториот обид да ја положи топката и да обезбеди победа.
НБА РЕЗУЛТАТИ
Голден Стејт – Сакраменто 117:116
Милвоки – Сан Антонио 135:129
Денвер – Оклахома сити 105:98
Далас – Бостон 113:104
Кливленд – Хјустон 117:108
Вашингтон – Њу Орлеанс 124:114
Минесота – Чикаго 111:96