Хрватска се намачи, но стигна до 75:70 победа над Тунис на турнирот за олимписки квалификации во Сплит, со што закажа дуел со Германија во полуфиналето, откако Германците претходно ги елиминираа Русите.
Хрватска водеше во текот на целиот меч, и имаше двоцифрена предност во текот на втората и третата четвртина, пред Тунижаните да влезат со еден поен предност во последните 10 минути. Хрватска повторно врати на +5 на помалку од две минути пред крајот, пред Тунис уште еднаш да направи камбек, но не доволен за победа.
Марио Хезоња имаше 27 поени и 8 скока за Хрватска, додека Бојан Богдановиќ уфрли 14 поени, но со само 4 прецизни удари од 14 обиди. Кај Тунис, најефикасен беше Слимане со 15 поени. Полуфиналето против Германија се игра во сабота.