Новиот тренер на КК Барселона, Литванецот Шарунас Јасикевичиус кој потпипа договор со клубот со 2023 година вели дека е нестрплив да почне со работа.
„Нестрплив сум, одвај чекам да почнам. Воглавно, на телефон договорив што ќе работам кога ќе дојдам во Шпанија и можам да кажам дека имаме големи амбиции. Притисок не чувствувам, затоа што доаѓам во еден од најголемите клубови во светот кој има фантастичен тим“ – вели Јасикевичиус.
Тој за разлика од неговиот претходник, Светислав Пешиќ кој имаше на располагање 41 милион евра, ќе може да смета на 33 милиони евра за екипата.
Своевремено Литванецот го носеше дресот на Барселона, а со екипата од Каталонија ја освои и Евролигата. Соиграчи му беа Хуан Карлос Наваро, По Гасол, Родриго Делафуете, Роберто Дуењас…
Засега Јасикевичиус не знае кои играчи ќе ги има во составот, но шпекулациите се дека блиску до дресот на Барса се Ник Калатес, Јан Весели, центарот на Фенербахче, Јуда Екпе, а најверните навивачи на тимот го живеат сонот дека во екипата би можел повторно да заигра и По Гасол.